Banjig.Net нь интернэт дээр суурилсан төрөл бүрийн үйлчилгээнүүдийг дан Монгол хэл дээр явуулдаг.
Banjig.Net-ийн үндсэн зорилго нь интернэтийн технологийг өдөр тутмын амьдралынхаа салшгүй нэгэн хэрэглээ болгоход нь Монголчууддаа туслах, гадаад дотоодод байгаа Монголчуудыг холбох гүүр болох явдал юм.

Товчхон түүхээс

Анх 2002 оны 8 сарын 29-нд Banjig.com нэрээр үйл ажиллагаа явуулж эхэлсэн ба 2003 оны 7 сар хүртэл үндсэн үйлчилгээнүүдийн нэг болох Banjig. Ил захидалын үйлчилгээг дагнан явуулж байгаад 2003 оны 8 сараас эхлэн Banjig.Net буюу Banjig. Сүлжээ нэртэйгээр үйл ажиллагаагаа өргөжүүлэн ажиллаж эхэлсэн.

Вэб сайтаар дамжуулан нийт 20 орчим салбар үйлчилгээ бид явуулдаг бөгөөд үйлчилгээнийхээ нэр төрөл, чанарыг сайжруулахаар манай хамт олон тасралтгүй ажиллаж байна. Эдгээр салбар үйлчилгээнүүдийн дэлгэрэнгүй танилцуулга, хэрэглэх зааварыг энд дарж http://help.banjig.net хаягаар орж үзнэ үү.

Banjig.Net-ийн бусад Монголын вэбүүдээс ялгарах гол онцлог нь бүх үйлчилгээг гишүүнчлэл дээр суурилсан байдаг бөгөөд Banjig. ID хэмээн нэрлэгдэх бүртгэлийн нэрээрээ манай хэрэглэгчид бүх салбарууд руу нэгэн зэрэг хандах боломжтой явдал юм.

2005 оны 12 сарын 31-ны өдрөөс эхлэн бид Banjig.Net-ийн үйлчилгээнүүдийг 15 хоногийн давтамжаар тасралтгүй шинэчлэн энэ тухайгаа хэрэглэгчиддээ ил тод мэдээлж байх зарчмаар ажиллаж эхлээд байгаа. Хамгийн анхны шинэчлэлтийн мэдээллийг бид 2005 оны 12 сарын 31-нд, хэрэглэгчиддээ зориулан бэлдсэн бэлэгтэйгээ хамт нийтэд зарласан билээ.

Banjig.Net нь өөрөө анхнаасаа мэдээллийн, чөлөөт цагийг өнгөрүүлэхэд зориулагдсан вэб байсан. Харин 2006 оны сүүлээс бид тусгайлан BD.mn, BJobs.mn зэрэг үйлчилгээнүүдийг гаргаснаар бизнесийн байгууллагуудад анхаарч эхэлсэн.

2006 оны сүүл 2007 оны эхээс бид өөрийн вэбийн үндсэн агуулгуудыг хэрэглэгчдийн оролцоотой улам баяжуулах, хэрэглэгчдийн оролцоог дэмжих зорилгоор Банжиг Дансны хэрэглэгдэх хүрээг өсгөж, хэрэглэгчдийн оролцоог нэмэгдүүлэхэд гол нөлөө үзүүлсэн анхны үйлчилгээ болох Банжиг Мэдлэг салбараа нээсэн. Мөн бид цаашид өөрийн үндсэн технологийг шинэ түвшинд гарган хэрэглэгчдэд хүргэх агуулгаа дуу, дүрсээр баяжуулах ажлыг эрчимтэй хийж байна.

Banjig.Net өнөөдөр

Одоо бид нийт 220940 (2008-02-08-ний байдлаар) бүртгэгдсэн гишүүд, өдөр тутам давтагдаагүй тоогоор 40-60 мянган хүн зочилдог нийт 20 орчим салбар вэбтэйгээр үйл ажиллагаагаа явуулж байна. Бэлэг хүргэх гэх мэт зарим үйлчилгээгээ бид хөдөө орон нутагт салбар нээн өргөжүүлснээр одоогоор Дархан, Эрдэнэт, Дорнодод салбартай болсон.

2007 он бол бидний хувьд хамгийн чухал хөгжлийн үе байлаа. Бид энэ онд хэрэглэгчдийн оролцоог нэмэгдүүлэхэд гол анхаарлаа хандуулж ажилласан нь үр дүнд хүрч байна.

Banjig.Net ирээдүйд

Бидний анхаасаа баримталж ирсэн эрхэм зорилго бол Монгол хүний онцлогт тохируулан, дэлхийн хэмжээний технологитой вэб дээр суурилсан үйлчилгээнүүдийг явуулах явдал байсан. Энэ зорилгоо бид чанд баримтлан явахын зэрэгцээ Banjig.Net дээр бий болгосон өөрсдийн технологийн суурийг ашиглан тодорхой чиглэлүүдэд дэлхийн хэмжээний вэбүүдийг нээн ажиллуулж тодорхой амжилт гаргахын төлөө ажиллаж байна.

Банжиг.Нээт дээрх үйлчилгээнүүдийн хувьд бид цаашид бидний хамгийн үнэт зүйлс болох гишүүд дээрээ тулгуурлан хөгжих чиглэлийг мөн чанд баримтлах бөгөөд 2008 онд Жоор, 360, Вики, Арилжаа зэрэг цоо шинэ үйлчилгээнүүдийг нэвтрүүлэх болно.